INTO THE RHYTHM

Të krijosh një projekt sa më tërheqës me forma dhe ngjyra pa humbur dritën dhe ngrohtësinë ishte një sfidë. E vendosur në qendër të Prishtinës, Into The Rhythm karakterizohet nga forma të rregullta dhe të parregullta ovale, dredha dhe mbi të gjitha, ngjyra të këndshme që vetëm shtojnë bukurinë e këtij apartamenti. Koncepti ynë është ndërtuar mbi bazën e hapësirës, që lejon idetë tona të rrjedhin butësisht por me shije. Në një mendësi tjetër, Into The Rhythm do të simbolizonte rrjedhën e një lumi të qetë, recitimin e disa vargjeve të bukura vjeshtore, ose ritmin e muzikës. Into The Rhythm do të qëndronte në të dyja këto paralele. Dyshimet më të mëdha të shprehura nga klienti ynë ishin kryesisht mungesa e dritës në dhomën e ndenjes dhe krijimi maksimal i hapësirës për dollapë në kuzhinë. Nga ana tjetër, të gjithë ramë dakord të dizajnonim një ambient me ngjyra. Por si e ruajmë mesataren e artë midis dritës, formës dhe ngrohtësisë? Duke përdorur me delikatesë nuancat që vetëm ndikojnë pozitivisht në shëndetin dhe humorin tonë, duke përdorur forma të parregullta dhe tërheqëse në mënyrë që syri të mos bëhet kurrë monoton, dhe gjithashtu duke ruajtur me kujdes ngjyrën e bardhë në vendet e duhura. Përdorimi i drurit, si gjithmonë, është elementi më i përshtatshëm për ambientin për të ruajtur me zell energjinë e ngrohtë që sjell.